MBA Kichik biznes va tadbirkorlik
🎓 MBA “Kichik biznes va tadbirkorlik” magistratura dasturi
Dastur turi: Magistratura (MBA — Master of Business Administration)
Yo‘nalish: Kichik biznes va tadbirkorlik (Small Business and Entrepreneurship)
Ta’lim tili: O‘zbek va rus tili.
Diplom: Davlat tomonidan tasdiqlangan magistr diplomi
Dastur innovatsion va amaliy yondashuvga asoslangan bo‘lib, nazariy bilimlar bilan birga real biznes keyslar, tajribali tadbirkorlar bilan uchrashuvlar, mentorlik va loyiha asosidagi o‘qitishni o‘z ichiga oladi. Tinglovchilar o‘z biznes g‘oyalarini amaliyotga tatbiq etish imkoniyatiga ega bo‘ladilar.
❔ Bu kimlar uchun?
✔️ Innovatsion va barqaror biznes g‘oyalarni amaliyotga joriy qilmoqchi bo‘lgan tashabbuskorlar
✔️ Hududiy tadbirkorlikni rivojlantirishga hissa qo‘shmoqchi bo‘lgan yoshlar va mutaxassislar
✔️ Mavjud tadbirkorlik faoliyatini kengaytirishni istaganlar
✔️ Tadbirkorlik subyektlari bilan muntazam ish yurituvchi Davlat va nodavlat tashkilotlar mutaxassislari uchun
❔ Dasturda nimalar o‘rganiladi?
✔️ Moliyaviy savodxonlik va boshqaruv
✔️ Raqobat tahlili va strategik qarorlar qabul qilish
✔️ Innovatsion fikrlash va mahsulot yaratish
✔️ Biznes moliyasi va investitsiyalarni jalb qilish
✔️ Soliq va huquqiy asoslar
✔️ Startaplarni rivojlantirish va inkubatsiya
⭐ Shuningdek, real biznes keyslar, mahalliy va xorijiy ekspertlar ishtirokidagi mahorat darslari orqali bilimlar mustahkamlanadi.
❔ Kelajakda qanday foyda beradi?
✔️ Biznesda risklarni boshqarish (Risk management)
✔️ Hududiy va milliy miqyosdagi iqtisodiy rivojlanishda faol ishtirok etish imkonini beradi
✔️ Investitsiya jalb qilish, hamkorlar bilan ishlash tajribasini beradi
✔️ Bozor talabiga mos mahsulot va xizmatlar yaratish ko‘nikmasini shakllantiradi
Mazkur dasturning asosiy maqsadi - O‘zbekistonning har bir hududida o‘z biznesini yurita oladigan, iqtisodiyotni quyi bo‘g‘inlardan boshlab harakatlantira oladigan bilimli, mas’uliyatli va yangicha fikrlaydigan tadbirkorlar avlodini tayyorlashdir.
-
Qo'shimcha ma'lumot
Mutaxassislik kodi Mutaxassislik nomi Kvalifikatsiya O‘qish muddati Ta'lim shakli Qabul vaqti Kontrakt summasi (so‘m) 70410901 Biznesni boshqarish (MBA - Kichik biznes va tadbirkorlik) Iqtisodchi, pedagog - tadqiqotchi 1,5 yil
2 yil
Kunduzgi
Kechki
Qabul komissiyasi: Iyul–Avgust
O‘qish boshlanish vaqti: Sentyabr
O‘quv dasturining bir yili uchun taxminiy to‘lov narxi 25,0 mln. so‘m Nomzodlarga qo‘yiladigan talablar:
- Oliy maʼlumotga va oliy taʼlim muassasasini tamomlagandan keyin kamida uch yil ish staji;
- 45 yoshgacha (yosh chegarasi faqat kunduzgi taʼlim shakli uchun).
Qabul sinovlari tartibi:
- Suhbat (umumiy mehnat faoliyati bo‘yicha);
- DTM tomonidan test sinovlari (mutaxassislik va ingliz tilidan).
Ingliz tilidan imtiyoz berilishi:
- CEFR bo‘yicha B2;
- IELTS bo‘yicha 5,0 ball;
- TOEFL bo‘yicha 72 balldan kam bo‘lmagan darajada.
Talab etiladigan hujjatlar:
Magistraturaga kirish istagini bildirgan nomzodlar komissiyaga veb-sayt orqali Oliy maktab direktori nomiga quyidagi hujjatlarning nusxalarini ilova qilgan holda ariza bilan murojaat qiladi:
- Davlat boshqaruvi organlari, xo‘jalik birlashmalari, nodavlat notijorat tashkilotlari va tadbirkorlik subʼektlari birinchi rahbarlarining imzosi qo‘yilgan tavsiya xati;
- Oliy maʼlumot to‘g‘risidagi hujjatning nusxasi;
- 4x6 o‘lchamdagi rangli fotosurat;
- Pasport (imtihon vaqtida asl nusxasi taqdim etiladi);
- Ingliz tilini bilish darajasini tasdiqlovchi belgilangan namunadagi hujjat/sertifikat (agar mavjud bo‘lsa).
O‘qishga hujjat topshirish:
Elektron shaklda Oliy maktabning veb-sayti orqali amalga oshiriladi.