Biznes va tadbirkorlik oliy maktabi (Graduate School of Business and Entrepreneurship) jahonning eng obro'li tashkilotlaridan biri — AACSB (Association to Advance Collegiate Schools of Business) a'zoligini qo'lga kiritdi.

Bu muvaffaqiyat nafaqat Oliy biznes maktabining xalqaro standartlarga mos kelishini tasdiqlaydi, balki O‘zbekistondagi biznes-ta’limning global darajadagi tan olinganini ham ko‘rsatadi.

Endilikda Oliy biznes maktabi:

• xalqaro ta’lim oilasining to‘laqonli a’zosi;
• dunyo bo‘ylab minglab yetakchi biznes maktablari bilan tajriba va bilim almashish imkoniga ega;
• tinglovchilar uchun keng ko‘lamli resurslar, innovatsion imkoniyatlar va xalqaro networking maydonini taqdim etadi.

AACSB a’zoligi — kelajakda to‘liq akkreditatsiya sari qo‘yilgan muhim qadamlardan biri bo‘lib, bizni yanada yuqori marralarga chorlaydi.

Maʼlumot uchun:

AACSB (Association to Advance Collegiate Schools of Business) — biznes taʼlimi sohasidagi eng nufuzli xalqaro tashkilotlardan biri bo‘lib, butun dunyo bo‘ylab yetakchi biznes maktablari va universitetlarni birlashtiradi. Tashkilot biznes taʼlimi sifatini oshirish, innovatsion yondashuvlarni rivojlantirish hamda global akademik hamjamiyatni mustahkamlashga xizmat qiladi.