Mazkur o‘quv kursi hududlardagi yoshlar, xotin-qizlar hamda aholining tadbirkorlik faoliyatini rivojlantirish, ularning bandligini oshirish va turmush tarzini yaxshilashga ko‘maklashish maqsadida tashkil etilgan. Kurs tadbirkorlik faoliyatini yo‘lga qo‘yishni istagan o‘quvchilar, o‘qituvchilar va o‘zining salohiyatini biznesda sinab ko‘rmoqchi bo‘lgan barcha fuqarolar uchun mo‘ljallangan.

Kursning maqsadi:

Tadbirkorlik ko‘nikmalarini shakllantirish orqali aholining tadbirkorlik faoliyatini yo‘lga qo‘yishiga ko‘maklashish, tadbirkorlik tashabbuslarini qo‘llab-quvvatlash, biznesni tashkil etish bo‘yicha amaliy bilimlarni berish hamda kambag‘allikni qisqartirish va bandlikni oshirish yo‘lida trenerlar va mutaxassislarni tayyorlash.

Kursning vazifalari:

- Tadbirkorlikni rivojlantirish, rag‘batlantirish va huquqiy asoslarini o‘rgatish;

- Tadbirkorlik faoliyatining tashkiliy shakllari, ro‘yxatdan o‘tish tartibi hamda kichik korxonalar faoliyatini yuritish jarayonlarini tushuntirish;

- Xususiy va kichik biznesni tashkil etish, biznesni amalga oshirish bosqichlarini o‘rganish;

- Biznes-reja tuzish qoidalari va amaliy ko‘nikmalarini o‘rgatish.

Kurs dasturi quyidagi mavzularni o‘z ichiga oladi:

- Tadbirkorlikni tashkil etish va uning huquqiy asoslari;

- Biznesni rejalashtirish va banklar tomonidan beriladigan imtiyozlar;

- Moliya va soliqqa tortish asoslari;

- Trenerlik ko‘nikmalari.

O‘qish shakli va davomiyligi:

O‘quv shakli: onlayn / oflayn

O‘quv yuklamasi: 40 soat (5 kun)

Dars vaqti: har kuni soat 09:00 dan 16:00 gacha

Yakuniy nazorat: test (offlayn shaklda)

Kurs yakunida test sinovlaridan muvaffaqiyatli o‘tgan tinglovchilarga davlat namunasidagi sertifikat beriladi.

Qo‘shimcha ma’lumot:

O‘quv tili: o‘zbek tili

Kurs narxi: 1 980 000 so‘m