Mazkur o‘quv kursi “Sud boshqaruvchisi” malaka sertifikatini olishni istayotgan mutaxassislar uchun mo‘ljallangan bo‘lib, oliy ma’lumotli va kamida ikki yil ish stajiga ega bo‘lishi, shuningdek sud boshqaruvchilarini tayyorlash tashkilotlarida rahbar lavozimida ishlayotgan mutaxassislar uchun mo‘ljallangan.

Kurs maqsadi:

Tashkilotlarning inqirozga qarshi boshqaruvi jarayonida sud boshqaruvchisi sifatida faoliyat yurituvchi mutaxassislarga kompleks bilim va amaliy ko‘nikmalarni berish, shuningdek, qarzdor tashkilotlarning moliyaviy sog‘lomlashtirish (barqarorlashuv) jarayoni haqida to‘liq tushuncha shakllantirishdir.

Kurs vazifalari:

- Sud boshqaruvchilari uchun zarur bo‘lgan professional bilimlarni shakllantirish;

- Tashkilotlarning moliyaviy ko‘rsatkichlarini tahlil qilish va xulosalar chiqarish;

- Murakkab moliyaviy holatlarda to‘g‘ri yo‘nalish tanlash hamda oqilona qarorlar qabul qilish ko‘nikmalarini rivojlantirish.

Kurs dasturi quyidagi mavzularni o‘z ichiga oladi:

- Sud boshqaruvchilari faoliyatini huquqiy qo‘llab-quvvatlash

- Sud boshqaruvi jarayonida buxgalteriya hisobi va moliyaviy tahlil o‘tkazish

- Sud boshqaruvi obyektlarini baholash

- Inqirozdagi tashkilotlarni boshqarish

O‘qish shakli va davomiyligi:

O‘qish shakli: masofaviy (Zoom platformasi orqali)

Umumiy o‘quv yuklamasi: 120 soat

Kurs muddati: 16 ish kuni

Darslar vaqti: har kuni 09:00 dan 16:30 gacha

Yakuniy nazorat: test (offlayn shaklda)

Kurs yakunida:

Test sinovlaridan muvaffaqiyatli o‘tgan tinglovchilarga davlat namunasidagi sertifikat beriladi.

Qo‘shimcha ma’lumot:

O‘qish tili: o‘zbek tili

Kurs narxi: 4 620 000 so‘m

Batafsil ma’lumot uchun telefon: +998 71 239 0310

Kursga qabul uchun talab etiladigan hujjatlar:

- pasport nusxasi;

- oliy ma’lumot to‘g‘risidagi diplom nusxasi yoki xorijiy ta’lim muassasasida olingan hujjatning nostrifikatsiya guvohnomasi;

- kamida ikki yillik mehnat stajini tasdiqlovchi mehnat daftarchasi nusxasi yoki “Elektron mehnat daftarchasi” tizimidan ko‘chirma;

- sudlanmaganlik (yoki oqlanganlik) to‘g‘risidagi guvohnoma.