Biznes va tadbirkorlik oliy maktabi tinglovchilari mamlakatimizda qandolat mahsulotlari bozorida o‘zining innovatsion yondashuvi va keng assortimentdagi mahsulotlari bilan ajralib turadigan “Safia Cafe & Bakery” MChJ korxonasiga tashrif buyurishdi.

Tashrif davomida tinglovchilar korxonaning ishlab chiqarish liniyalari, texnologik jarayonlari, xomashyo tanlash tartibi va sifat nazorati tizimi bilan tanishdilar. Korxona mutaxassislari mahsulot tayyorlashdan tortib, mijozlarga yetkazib berishgacha bo‘lgan jarayonlari to‘g‘risida batafsil tushuntirish berishdi.

Tinglovchilar korxonaning mahsulot xavfsizligini ta’minlash mexanizmlari, brend boshqaruvi, marketing strategiyalari va mijozlar ehtiyojiga moslashtirilgan xizmat standartlari haqida chuqurroq ma’lumot olishdi.

Bunday tashriflar nazariy bilimlarni real biznes jarayonlari bilan mustahkamlash, xususiy sektorning ilg‘or tajribasini o‘rganish hamda amaliy ko‘nikmalarni rivojlantirish uchun katta imkoniyat yaratadi.