2026-yil 8-sentyabr kuni Biznes va tadbirkorlik oliy maktabida “Tadbirkorlikni elektron tijorat asosida rivojlantirish: tashqi bozorlarga Wildberries savdo platformasi orqali chiqish imkoniyatlari”  mavzusida biznes muloqot formatidagi forum boʻlib oʻtdi.

Forum Biznes va tadbirkorlik oliy maktabi tomonidan Wildberries kompaniyasi bilan hamkorlikda tashkil etildi. Unda tadbirkorlar, ishlab chiqaruvchilar, hunarmandlar, savdo kompaniyalari, shuningdek, Wildberries kompaniyasi ekspertlari va marketpleyslar soha mutaxassislaridan iborat jami 100 nafardan ortiq ishtirokchi qatnashdilar.

Milliy ishlab chiqaruvchilar mahsulotlarini tashqi bozorlarga olib chiqish, birinchi navbatda, kichik biznes uchun ochiq boʻlgan yangi sotuv kanallarini talab etadi. Elektron tijorat mahalliy tadbirkorlarga xorijda savdo tarmogʻi yaratishga investitsiya kiritmasdan va logistikaga katta mablagʻ sarflamasdan xorijiy bozorlarga toʻgʻridan-toʻgʻri chiqish imkonini beradi.

Respublika tumanlari uchun bu mahalliy ishlab chiqarishni rivojlantirish, shuningdek, joylarda qoʻshimcha ish oʻrinlari yaratish boʻyicha yangi imkoniyatlarni anglatadi. Bunda mahallada ishlab chiqarilgan mahsulotga talab tashqi bozorda shakllanadi, ishlab chiqarish, qadoqlash, buyurtmalarni topshirish punktlari va yetkazib berish sohasidagi bandlik esa saqlanib qoladi va yirik shaharlarga koʻchib oʻtishni talab etmaydi.

Taʼkidlash joizki, elektron tijorat sotuvchilar ochiq raqobat olib boradigan ochiq bozor sifatida namoyon boʻladi. Bunday sharoitda natijani mahsulot sifati, yetkazib berish intizomi va maʼlumotlarga asoslangan sotuvlarni boshqarish belgilaydi. Forumda aynan shu masalalar koʻrib chiqildi.

Forumning ochilishida jahon miqyosida elektron tijorat rivojlanishining hozirgi holati, Oʻzbekistonda elektron tijoratning rivojlanish tendensiyalari va istiqbollari koʻrib chiqildi. Mamlakat ichida ombor va logistika infratuzilmasini rivojlantirish zarurligiga eʼtibor qaratildi, bu yetkazib berish muddatlari va xarajatlarini qisqartirish uchun muhim sharoit yaratadi hamda oʻzbek mahsulotlarining xorijiy bozorlardagi raqobatbardoshligini oshiradi.

Forumning amaliy qismi marketpleyslarda ishlashning toʻliq jarayonni qamrab oldi, jumladan, sotuvchini roʻyxatdan oʻtkazish va birinchi sotuvlarga erishish tartibi, sotuvchi kuchlari bilan yetkazib berish modellari, tovarni marketpleysda ilgari surish vositalari va reklama kampaniyalarini avtomatlashtirish, shuningdek, tovar pozitsiyalarining aylanuvchanligi va rentabelligi koʻrsatkichlari asosida xilma-xillikni boshqarish masalalari koʻrib chiqildi.

Shu bilan birga, Wildberries marketpleysi tomonidan Oʻzbekistondagi ishlab chiqaruvchilar va sotuvchilarni qoʻllab-quvvatlashga qaratilgan “Oʻsish platformasi” dasturi alohida taqdim etildi.

Forum Biznes va tadbirkorlik oliy maktabi hamda Wildberries kompaniyasining respublikaning barcha hududlarida oʻtkazilayotgan elektron tijorat sohasida kichik va oʻrta biznesni qoʻllab-quvvatlash boʻyicha qoʻshma tadbirlari turkumining oʻziga xos davomi boʻldi.