Biznes va tadbirkorlik oliy maktabining MBA – Global menejment magistratura yo‘nalishi tinglovchilari O‘zbekiston Respublikasi Oliy Majlis Qonunchilik palatasiga tashrif buyurishdi. Tashrif davomida ishtirokchilar parlamentning tuzilishi, qonunchilik jarayonining bosqichlari va deputatlarning amaliy faoliyati bilan bevosita tanishish imkoniga ega bo‘ldilar.

Tashrif doirasida O‘zbekiston Respublikasi Oliy Majlisi Qonunchilik palatasining Fan, ta’lim, madaniyat, sport va yoshlar masalalari qo‘mitasi raisi o‘rinbosarlari — Iminov Odiljon Karimovich va Abdullayeva Oydin Utamuradovna tinglovchilarga qo‘mita faoliyatining ustuvor yo‘nalishlari, dolzarb masalalar yuzasidan olib borilayotgan ishlar hamda amaliy jarayonlar haqida batafsil tushuntirish berishdi.

Mazkur tashrif tinglovchilarga qonunchilik jarayonining amaliy jihatlarini o‘rganish, davlat boshqaruvi tizimi haqida kengroq tasavvurga ega bo‘lish va kasbiy kompetensiyalarini rivojlantirish imkonini berdi.