Biznes va tadbirkorlik oliy maktabi vakili hamda Senior Experten Service (SES) xalqaro tashkiloti eksperti Uve Gordon Enter Steel kompaniyasiga tashrif buyurishdi.

Tashrif doirasida ekspert korxonaning ishlab chiqarish maydonlari, texnologik jarayonlar hamda mehnatni tashkil etishning amaldagi standartlari bilan tanishdi. Tanishuv qismi yakunlangandan so‘ng, Uve Gordon “Tejamkor ishlab chiqarish” mavzusida mahorat darsi o‘tkazdi.

Mahorat darsi doirasida ekspert ishlab chiqarish samaradorligini oshirish, yo‘qotishlarni minimallashtirish, ish jarayonlarini standartlashtirish va mahsulot sifati ko‘rsatkichlarini yaxshilash bo‘yicha xalqaro amaliyotlarni taqdim etdi.

Ishtirokchilar tadbir davomida hujjat yuritish, muhandislik, jarayonlarni nazorat qilish, ishlab chiqarish oqimlarini boshqarish va umumiy ishlab chiqarish madaniyatini oshirish bilan bog‘liq o‘zlarini qiziqtirgan barcha savollarga javob oldilar.

Еkspert Enter Steel kompaniyasining yuqori salohiyatini alohida e’tirof etdi. Shuningdek, Yevropa tajribasi va Leanning jahon standartlariga asoslangan hamda ishlab chiqarish madaniyatini tizimli rivojlantirish bo‘yicha amaliy tavsiyalarni berdi.