Biznes va tadbirkorlik oliy maktabi tinglovchilari «Coca-Cola Ichimligi Uzbekiston, Ltd» zavodiga tashrif buyurishdi.

Tashrif davomida Coca-Cola kompaniyasi vakillari kompaniya tarixi, korxonaning hozirgi faoliyati, yangi avtomatlashtirilgan ishlab chiqarish liniyalari va quvvatlarning ishga tushirilishi hamda yaqin kelajakda chiqarilishi rejalashtirilayotgan yangi mahsulot turlari haqida ma’lumot berdilar.

Tinglovchilar zavoddagi texnologik jarayonlar, ishlab chiqarish menejmenti, barcha liniyalardagi boshqaruv tizimi, inson resurslarini boshqarish va kompaniya strategiyasi bilan amaliy tanishdilar.

Mazkur tashrif mazmunli ruhda o‘tdi, tinglovchilar barcha qiziqtirgan savollariga javob oldilar.