Vazirlar Mahkamasi huzuridagi Biznes va tadbirkorlik oliy maktabi tinglovchilari AQShda tashkil etilgan malaka oshirish dasturi doirasida Crossland College of Technology o‘quv muassasasiga tashrif buyurdilar.

Tashrif davomida ishtirokchilarga kollejning faoliyati, unda o‘qitiladigan texnik yo‘nalishlar va zamonaviy o‘quv jarayonlari bo‘yicha batafsil ma’lumotlar taqdim etildi. Xususan, delegatsiya a’zolari avtomobil texnologiyalari, muhandislik texnologiyalari, konstruktsiya va qurilish ishlari, texnik grafikalar, kommunikatsiya texnologiyalari hamda texnologik ta’lim yo‘nalishlarida qo‘llanilayotgan metodikalar bilan yaqindan tanishdilar.

Crossland College of Technology vakillari tinglovchilarga amaliy ko‘nikmalarni shakllantirish, ishlab chiqarishdagi real jarayonlarni o‘quv dasturlariga integratsiya qilish va texnik mutaxassislar bozoridagi ehtiyojlar asosida yangi ta’lim modullarini ishlab chiqish kabi yo‘nalishlarda olib borilayotgan ishlarga alohida e’tibor qaratadilar. Tashrif davomida ishtirokchilar zamonaviy laboratoriyalar, texnik jihozlar va talabalar uchun yaratilgan amaliy mashg‘ulot maydonlarini ko‘zdan kechirdilar.

Mutaxassislarning ta’kidlashicha, kollej nafaqat Kansas shahri, balki AQShning boshqa hududlari uchun ham malakali texnik kadrlar tayyorlab kelmoqda. Delegatsiya a’zolari uchun texnik ta’limning rivojlangan modeli, sanoat bilan hamkorlikda tashkil etilgan o‘quv jarayonlari va talabalar uchun yaratilgan amaliy imkoniyatlar bo‘yicha qiziqarli ma’lumotlar taqdim etildi.