Biznes va tadbirkorlik oliy maktabi tinglovchilari o‘quv jarayonining amaliy bosqichi doirasida “Texnopark” sanoat majmuasiga tashrif buyurishdi.

Tashrif davomida ishtirokchilar majmuaning ishlab chiqarish jarayonlari, zamonaviy texnologik yechimlar va innovatsion ishlab chiqarish tizimlari bilan yaqindan tanishdilar. Jumladan, tinglovchilar maishiy texnika va turar-joy hamda jamoat obyektlari uchun mo‘ljallangan muhandislik tizimlarini ishlab chiqarish jarayoni bilan tanishishdi.

Tashrifning maqsadi — real ishlab chiqarish muhiti orqali texnologik jarayonlarni chuqurroq o‘rganish, innovatsion yondashuvlar bilan tanishish hamda tinglovchilarning amaliy ko‘nikmalarini mustahkamlashdan iborat bo‘ldi.

Bunday tashriflar tinglovchilarga nazariy bilimlarni amaliyot bilan mustahkamlash, innovatsion yondashuvlarni o‘rganish va boshqaruv ko‘nikmalarini rivojlantirish imkonini beradi.