Bugun, 16-oktabr kuni Biznes va tadbirkorlik oliy maktabi tinglovchilari “Coca-Cola Ichimligi Uzbekistan, LTD” kompaniyasiga amaliy tashrif buyurdilar.

Tashrif davomida tinglovchilar kompaniyaning ishlab chiqarish jarayonlari, zamonaviy texnologiyalari, mahsulot sifatini nazorat qilish tizimi hamda ishlab chiqarishni samarali boshqarish tajribasi bilan yaqindan tanishdilar.

Shuningdek, xalqaro kompaniya misolida biznes jarayonlarini tashkil etish, operatsion boshqaruv va sifat standartlarini ta’minlashning amaliy jihatlari o‘rganildi.

Mazkur tashrif tinglovchilarga nazariy bilimlarini real biznes muhiti bilan bog‘lash, yirik xalqaro kompaniyaning boshqaruv tajribasini o‘rganish va kasbiy dunyoqarashini kengaytirish imkonini berdi.

“Coca-Cola Ichimligi Uzbekistan, LTD” jamoasiga samimiy qabul, tajriba almashish imkoniyati va mazmunli uchrashuv uchun minnatdorlik bildiramiz!