Joriy yilning 13 may kuni Namangan shahrida joylashgan “Kasbiy ko‘nikmalar markazi”da Biznes va tadbirkorlik oliy maktabi Namangan viloyati hududiy filiali hamda “Tadbirkorlikni rivojlantirish kompaniyasi” AJ Namangan viloyati filiali hamkorligida tadbirkor ayollar uchun seminar tashkil etildi.

Mazkur tadbir 2026 yilga mo‘ljallangan hamkorlik rejasi doirasida amalga oshirilib, o‘z faoliyat yo‘nalishlarini kengaytirish istagida bo‘lgan tadbirkor ayollarni qo‘llab-quvvatlashga qaratildi

Seminar davomida kichik va o‘rta tadbirkorlik subyektlari tomonidan amalga oshirilayotgan biznes loyihalar, ishlab chiqarish va xizmat ko‘rsatish sohasidagi tashabbuslar, shuningdek, “Tadbirkorlikni rivojlantirish kompaniyasi” tomonidan taqdim etilayotgan kompensatsiya va qo‘llab-quvvatlash choralari yuzasidan batafsil o‘quv mashg‘ulotlari o‘tkazildi

Tadbirni Biznes va tadbirkorlik oliy maktabi Namangan viloyati hududiy filiali rahbari L. Bo‘riyev hamda “Tadbirkorlikni rivojlantirish kompaniyasi” AJ Namangan viloyati filiali bosh mutaxassisi F. Qo‘chqarov olib borishdi

O‘quv jarayonida ishtirokchilarga kreditlar bo‘yicha kafillik va kompensatsiya mexanizmlari, kreditlarning garov ta’minoti, “yashil” va energiya tejamkor loyihalarni qo‘llab-quvvatlash imkoniyatlari, shuningdek, olis hududlarda tadbirkorlikni rivojlantirish uchun taqdim etilayotgan imtiyozlar haqida amaliy bilim va ko‘nikmalar berildi

Seminar ishtirokchilariga tadbirkorlik faoliyatini moliyaviy qo‘llab-quvvatlash mexanizmlari, mavjud imtiyoz va imkoniyatlar haqida atroflicha ma’lumotlar taqdim etildi

Tadbir davomida tadbirkor ayollar o‘z biznes loyihalarini rivojlantirish, yangi tashabbuslarni amalga oshirish hamda moliyaviy instrumentlardan samarali foydalanish bo‘yicha amaliy ko‘nikmalarini mustahkamladilar