Seminar Biznes va tadbirkorlik oliy maktabi Navoiy viloyat hududiy filiali hamda Qiziltepa tuman Oila va xotin-qizlar bo‘limi bilan hamkorlikda tashkil etildi.

Tadbirda tumandagi faol va lider ayollardan biri Maqsuda Bobonazarova, ATB «Mikrokreditbank» kredit bo‘limidan mas'ul xodim hamda tuman IT Park mas'ullari ishtirok etib, xotin-qizlarga tadbirkorlikni boshlash, kredit olish imkoniyatlari, zamonaviy kasblar va axborot texnologiyalari sohasida yaratilayotgan sharoitlar haqida o‘z tavsiyalari va tajribalari bilan o‘rtoqlashdilar.

Mazkur seminar davomida ishtirokchilarga tadbirkorlik faoliyatini boshlash va rivojlantirish, biznes-reja tuzish, moliyaviy resurslardan samarali foydalanish, davlat tomonidan yaratilayotgan imtiyoz va imkoniyatlar haqida batafsil ma'lumotlar berildi. Shuningdek, xotin-qizlarning o‘z biznesini yo‘lga qo‘yishi, yangi ish o‘rinlari yaratishi hamda daromad manbalarini kengaytirishi bo‘yicha amaliy tavsiyalar taqdim etildi.

Soha mutaxassislari tomonidan ayollarning bandligini ta'minlash,  ularni kasb-hunarga o‘qitish , uy sharoitida  daromad topish  imkoniyatlari, kredit va subsidiya olish tartiblari yuzasidan tushuntirish ishlari olib borildi. Ishtirokchilar o‘zlarini qiziqtirgan savollarga javob oldilar hamda kelgusida tadbirkorlik faoliyatini boshlash uchun zarur bilim va ko‘nikmalarga ega bo‘ldilar.

Uchrashuv yakunida xotin-qizlarning iqtisodiy  faolligini oshirish, ularni qo‘llab-quvvatlash  hamda bandligini  ta'minlash  borasida amalga oshirilayotgan ishlarni izchil davom ettirish zarurligi ta'kidlandi.