Biznes va tadbirkorlik oliy maktabida magistratura mutaxassisliklari (MBA-Moliyа va Global menejment) tinglovchilari uchun “Davlat organlarida ichki nazorat tizimi va xavflarni boshqarish” mavzusida mahorat darsi bo‘lib o‘tdi.

Tadbirda iqtisofiyot fanlar doktori (DCs) Jabborov Azamat Alijonovich - Oʻzbekiston Respublikasi Iqtisodiyot va moliya vazirligining Davlat organlari ichki audit tuzilmalari faoliyatini rivojlantirish va muvofiqlashtirish boshqarmasi boshligʻi ma’ruzachi sifatida ishtirok etdi.

Tinglovchilarga davlat organlarida ichki nazorat tizimini ishlash tartibining hozirgi holati, xavflarni aniqlash va ularni bartaraf etish bo’yicha yo’l xarita ishlab chiqish jarayonlari va ushbu sohada qabul qilingan normativ-huquqiy hujjatlar va kiritilgan o‘zgarishlar haqida keng qamrovli ma’lumot berildi. 

Mahorat darsi jarayonida nazariy bilimlar amaliy misollar bilan mustahkamlanib, davlat organlarida ichki nazorat tizimini ishlash tartibi va xavflarni aniqlash jarayonidagi vaziyatlar aniq misollar orqali tushuntirishlar berildi. Tinglovchilar o‘zlarini qiziqtirgan savollarga javob olishdi va foydali tavsiyalarga ega bo‘lishdi.

Mahorat darsi tinglovchilarga nazariy bilimlarini amaliyot bilan mustahkamlash, innovatsion yondashuvlarni o‘rganish va boshqaruv ko‘nikmalarini rivojlantirish imkonini berdi.