Biznes va tadbirkorlik oliy maktabida magistratura tinglovchilari uchun O‘zbekiston Respublikasi byudjet jarayoni, "O‘zbekiston – 2030" strategiyasida 2026-yil uchun iqtisodiy islohotlarning asosiy yo‘nalishlari mavzusida mahorat darsi bo‘lib o‘tdi.

Tadbirda Artiqov Baxtiyorjon Mahkamovich - O‘zbekiston Respublikasi Oliy Majlis Qonunchilik palatasi Byudjet va iqtisodiy masalalar qo‘mitasi raisining o‘rinbosari ma’ruzachi sifatida ishtirok etdi.

Tinglovchilarga byudjet jarayoni, byudjetnoma loyihasini tayyorlash jarayoni, “2026-yil uchun Oʻzbekiston Respublikasining davlat byudjeti to’g’risidagi” qoninuning amaldagi holati, so‘ngi yillarda Byudjet kodeksiga kiritilgan o‘zgarishlar haqida keng qamrovli ma’lumot berildi.

Mahorat darsi jarayonida nazariy bilimlar amaliy misollar bilan mustahkamlanib, byudjet qoninuning qabul qilish jarayonidagi vaziyatlar aniq misollar orqali tushuntirishlar berildi. Tinglovchilar o‘zlarini qiziqtirgan savollarga javob olishdi va foydali tavsiyalarga ega bo‘lishdi.

Mahorat darsi tinglovchilarga nazariy bilimlarini amaliyot bilan mustahkamlash, innovatsion yondashuvlarni o‘rganish va boshqaruv ko‘nikmalarini rivojlantirish imkonini berdi.