Biznes va tadbirkorlik oliy maktabida Respublikamizning 16 ta oliy ta’lim muassasalarining biznes inkubator va startap loyihalari bilan ishlovchi mas’ul xodimlari bilan hamkorlik muloqoti o‘tkazildi. 

Tadbirda Biznes va tadbirkorlik oliy maktabi mas’ul xodimlari tomonidan ishtirokchilarga venchur kompaniyalari, akseleratsiya markazlari va biznes inkubatorlarning startap loyihalarni qo‘llab-quvvatlashdagi o‘rni va vazifalari, shuningdek, startaplarni g‘oyadan loyihaga olib chiqish muammolari mavzularida taqdimotlar qilindi.

Muloqotda oliy ta’lim muassasalarida startap tashabbuslarini qo‘llab-quvvatlash jarayonidagi muammolar, talabalarning startap loyihalarini samarali amalga oshirishda oliy ta’lim muassasalarining vazifalari, qulay startap muhitini yaratish uchun zarur shart-sharoitlar, oliy ta’lim muassasalarida innovatsion tadbirkorlikni rivojlantirish strategiyalari kabi masalalar muhokama etildi. 

Tadbir yakunida oliy ta’lim muassasalari mas’ul xodimlari bilan 2026-yilda talabalarning startap g‘oyalarini loyihalar ko‘rinishida amalga oshirishga ko‘maklashish, ularda venchur moliyalashtirish bo‘yicha amaliy ko‘nikmalarni shakllantirish va istiqbolli investorlar bilan muloqot maydonini yaratish bo‘yicha hamkorlikda amalga oshiriliadigan ishlarni bajarishga kelishib olindi.