Biznes va tadbirkorlik oliy maktabida Koreya Respublikasining Adju universiteti huzuridagi Xalqaro tadqiqotlar oliy maktabi (GSIS) dekani, professor Byeong Yun Chang tomonidan maxsus ma’ruza (Special Lecture) o‘tkazildi.

“Management in the Era of AI” (“Sun’iy intellekt davrida boshqaruv”) mavzusidagi ma’ruza doirasida oliy maktab professor-o‘qituvchilari, MBA magistratura tinglovchilari va mehmonlar zamonaviy boshqaruv jarayonlarida sun’iy intellektning o‘rni va ta’siri borasida yangi bilim va amaliy ko‘nikmalarga ega bo‘ldilar.

Ma’ruza davomida professor Chang quyidagi yo‘nalishlarga alohida e’tibor qaratdi:• Sun’iy intellekt davrida shakllanayotgan yangi boshqaruv yondashuvlari;• Raqamli texnologiyalar va AI vositalarining tashkilot boshqaruviga ta’siri;• Samarali qaror qabul qilish mexanizmlari va innovatsion strategiyalarni ishlab chiqish;• Zamonaviy menejment konsepsiyalarining amaliyotda qo‘llanilishi.

Maxsus ma’ruza ingliz tilida o‘tkazildi va ishtirokchilarga sun’iy intellekt shiddat bilan rivojlanayotgan davrda yetakchilik va boshqaruvning zamonaviy talqinlarini chuqur o‘rganish imkonini berdi.