Koreya Respublikasining Adju universiteti (Ajou university) huzuridagi Xalqaro tadqiqotlar oliy maktabi (GSIS) dekani, professor Byong Yun Chang hamda direktor Moon Hyon-be Biznes va tadbirkorlik oliy maktabiga tashrifi bo`lib o`tdi.

Uchrashuvda Biznes va tadbirkorlik oliy maktabi direktor o‘rinbosari B. Xolboyev hamda Koreyaning Ajou universiteti Xalqarо tadqiqotlar Oliy maktabi (GSIS) dekani, professor Byеong Yun-Chang hamda direktor H. Moon ishtirok etishdi.

Tashrif doirasida tomonlar Biznes va tadbirkorlik oliy maktabi hamda Adju universiteti hamkorligida amalga oshirilayotgan “MBA in IT Business” qo‘shma ta’lim magistratura dasturi bo‘yicha hamkorlik shartnomasini uzaytirish to‘g‘risidagi kelishuvni tantanali ravishda imzoladilar.

Muloqot davomida ikki tomon o‘quv yili davomida ikki marta qabul jarayonini tashkil etish, tinglovchilar uchun Koreyada o‘qish jarayonida yirik kompaniya va tashkilotlarga amaliy tashriflar uyushtirish, o‘quv jarayonini yanada rivojlantirish va boshqa qator ta’lim masalalarini muhokama qildilar.

Ma’lumot uchun: Adju universiteti — Koreya Respublikasining yetakchi oliy ta’lim muassasalaridan biri bo‘lib, menejment, muhandislik, xalqaro hamkorlik va innovatsion texnologiyalar yo‘nalishlaridagi kuchli ta’lim dasturlari bilan tanilgan. Universitet Biznes va tadbirkorlik oliy maktabi bilan o‘zaro manfaatli ta’lim hamkorligini izchil rivojlantirib kelmoqda.

Biznes va tadbirkorlik oliy maktabi va Adju universiteti o‘rtasidagi hamkorlik doirasida 2022-yildan buyon ikki diplomli magistratura dasturi amalga oshirilmoqda. Dastur bitiruvchilari o‘z o‘qishini muvaffaqiyatli yakunlab, O‘zbekiston va Koreyaning nufuzli diplomlariga ega bo‘lishmoqda.