Biznes va tadbirkorlik oliy maktabi Janubiy Koreyaning AJOU Universiteti bilan hamkorlikda 2026-2027-o‘quv yili uchun “ikki diplom” (dual degree) xalqaro dasturi asosida “MBA IT Business” mutaxassisligiga qabul e’lon qilmoqda.

Ta’lim kunduzgi shaklda bo‘lib, birinchi o‘quv yili (1 va 2-semestrlar) O‘zbekistonda, ikkinchi o‘quv yili (3 va 4-qisqa semestrlar) Janubiy Koreyada davom etadi. Dastur yakunida tinglovchilar AJOU Universitetining “MBA IT Busines” va Oliy biznes maktabining “MBA Raqamli iqtisodiyot” magistr diplomlarini oladilar. Qo‘shma ta’lim dasturining bir yillik o‘qitish qiymati 4 000 AQSH dollari hajmida belgilangan.

Ushbu dasturda ishtirok etish istagini bildirgan nomzodlar Oliy biznes maktabining e-tinglovchi.gsbe.uz platformasi orqali hujjatlarning nusxalarini ilova qilgan holda murojaat qilishlari mumkin:

• O‘qitish xarajatlarini qoplab beradigan davlat boshqaruvi organlari, xo‘jalik birlashmalari, nodavlat notijorat tashkilotlari va tadbirkorlik subyektlarining birinchi rahbarlari imzosi qo‘yilgan o‘qitish uchun kafolat xati;
• Oliy ma’lumot to‘g‘risidagi hujjatning nusxasi;
• Pasport yoki ID karta (imtihon vaqtida asl nusxasi taqdim etiladi);
• Ingliz tilini bilishini tasdiqlovchi IELTS bo‘yicha 5,5 ball, TOEFL bo‘yicha 72 balldan kam bo‘lmagan darajada xalqaro sertifikatlar.

Hujjat qabul qilish muddati: 2026-yil, 31-iyulgacha.

O‘qishga hujjat topshirish faqat elektron shaklda Oliy biznes maktabining yuqorida keltirilgan qabul platformasi orqali har kuni 24 soat mobaynida amalga oshiriladi.

Ma’lumot uchun telefon: +99871 2390315; 55 5033360

Qabul komissiyasining ishlash jadvali: Dushanba – Juma kunlari, soat 9:00 dan 18:00 gacha.