2026-yil 14-sentabr kuni O‘zbekiston Respublikasi Vazirlar Mahkamasi huzuridagi Biznes va tadbirkorlik oliy maktabida yangi o‘quv yiliga qabul qilingan tinglovchilar uchun “Orientation Day” tadbiri bo‘lib o‘tdi.

Tadbir davomida yangi tinglovchilarga Oliy biznes maktabi faoliyati, uning missiyasi va taqdim etayotgan imkoniyatlari haqida ma’lumot berildi. Shuningdek, ta’lim dasturlari, o‘quv jarayoni, kredit-modul tizimi, baholash mezonlari hamda ichki tartib-qoidalar yuzasidan tushuntirishlar berildi.

Bundan tashqari, tinglovchilar o‘zlarini qiziqtirgan savollar bilan murojaat qilib, mutaxassislardan zarur tavsiyalar oldilar.

Orientation Day yangi tinglovchilar uchun Oliy biznes maktabi hayoti va ta’lim jarayoni bilan yaqindan tanishish, yangi muhitga moslashish hamda o‘quv yilini aniq maqsadlar bilan boshlash imkonini berdi.