O'zbekiston Respublikasi  Vazirlar Mahkamasi huzuridagi Biznes va tadbirkorlik oliy maktabining xalqaro faoliyati to'g'risida

Biznes va tadbirkorlik oliy maktabi zimmasiga yuklatilgan muhim vazifalardan biri bu - xalqaro va xorijiy tashkilotlar bilan ta'lim sohasidagi aloqalarni o'rnatish va ularni mustahkamlash qaratilgan.

Xalqaro hamkorlikni yo'lga qo'yish va rivojlantirishning asosiy ustuvor yo'nalishlariga, iqtisodiyotning barcha sohalariga yetuk va boshqaruv kadrlarini tayyorlash, malakasini oshirish bo'yicha o'quv-uslubiy ishlarni takomillashtirish, biznes va tadbirkorlik, korporativ va loyiha boshqaruvi tizimi rivojlangan xorijiy mamlakatlarda o’z professor-o'qituvchilari va magistrlarning malakasini oshirish bo'yicha qo'shma hamkorlik dasturlarini amalga oshirish, ilmiy tadqiqotlar, konferensiyalar va boshqa shu kabi tadbirlarni uyushtirish kabilar kiradi.

Biznes va tadbirkorlik oliy maktabi xalqaro va mahalliy tashkilotlar, muassasalar bilan shartnoma va memorandumlar imzolagan va ular bilan xalqaro standartlarga javob berish maqsadida yuqori sifatli ta'lim tizimini ta’minlash uchun faol hamkorlik qilmoqda.